الحسد ممكن ميكونش بقصد. – http://www.kolalnaseg.com
أخبار عاجلة
الرئيسية / أخر الأخبار / الحسد ممكن ميكونش بقصد.

الحسد ممكن ميكونش بقصد.

Spread the love

كتب : احمد هاشم .

الحسد ممكن ميكونش بقصد.

انوروجدي لما المذيعة سألتة ف نهايات حياته: ايه اسوأ حاجة حصلتلك ؟! رد قال: اني طلقت ليلى مراد. فسألته ليه. وإزاي ؟!

رد : معرفش. كنت بحبها جدا. عايشين سعداء لاقصى حد. مكنتش بحكي عن حياتنا ولا بنسمح لحد يحكي. فجأة حكيت عن قصة حبنا، كفاحنا، نجاحنا، ازاي احنا عايشين في تفاهم ونعيم ف البيت.

بعدها كل حاجة بينا بقت وحشة بدون اسباب. ولقيت نفسي بخونها .. بعدين انفصلنا. بعدين فوقت لقيت نفسي شخص تاني ف عالم تاتي محبيتوش ولا كنت عاوزه.

الممثلة ياسمين_صبري اخدت شهرة كبيرة الفترة الاخيرة. لحد ما ظهرت في برنامج صاحبة السعادة وسألتها اسعاد يونس : مش ناوية تتجوزي ؟! وكانت المفاجأة لما قالتلها انا متجوزة من ٥ سنين وبحب جوزي جدا. اسمه محمد وبدلعه مودي. وبطبخ واغسل وست بيت شاطرة وجوزي بيحب اكلي.

لحد كده الموضوع عادي لكن اللي مش عادي ان ياسمين صبري اطلقت بعد ٢٠ يوم بس من الحلقة دي، اطلقت بعد ما حكت عن اجمل حاجة ف حياتها. واستقرارها. وراحة بالها

الحجات الحلوة بتستمر لما نخبيها، ونداري عليها ع قد ما نقدر، وبتروح اول ما نتكلم عنها.

متحكوش لحد ولا حتى اصحابكم، مش عشان هما وحشين انما عشان الحسد ممكن ميكونش بقصد.

 
242
Shares
242   
 
 
  

عن admin