الحب ده قدر ولا قسمة. – http://www.kolalnaseg.com
أخبار عاجلة
الرئيسية / اخبار كل الناس / الحب ده قدر ولا قسمة.

الحب ده قدر ولا قسمة.

Spread the love

شاعرة العاميه. نبيلة محمود .

الحب ده قدر ولا قسمة.

يا ناس الحب ده قدر ولا قسمة

ولا بيجينا  يعلمنا الحكمة ……..

ولا ينفع معاه حذر …

وتقع فيه والسبب … كلمة

والحب ولا بيشترى ولا بينباع

والحبيب لو صادق يكون نعمة

لكن الطباع ما بتبان إلا بالعشرة

وياما ناس طلعوا دهب قشرة

والحب بيجى من غير سبب

ويمشى لما تنتهى القسمة ….

والحبيب لو غدر .. والقلب م الحزن انكسر

العقل بيسكت ولا بيقول ولا كلمة

ويشمت فينا البشر …ونتعجب من القسمة

لا تعاتب القاسى ولا تفكر الناسى

ارمى ورا ضهرك  ….. .

والحبيب لو قاسى ح يحيرك  وينقسم ضهرك

وسألت حكيم هو ليه ..مليش ف الحب الجميل قسمة !

قال الورد جميل والكل بيه انبهر

بس الشوك كان ليه قسمة …..

والطير بيغنى فرحان ع الشجر

والدنيا قدامه مبتسمة …

لكن الصياد لما عجبه جمال الطير

ف القفص حبسو

والجمال كان عليه نقمة …… 

والحظ من المحال  يبقى مع جميل

الشكل والقسمة

ودنيا غريبة … ومحش عارف ايه الحكمة …..! !

ياترى الحب ده قدر ولا قسمة !!

 
242
Shares
242   
 
 
  

عن admin