الرئيسية / اخبار كل الناس / ياقلبى سيبك م الحب سيبك.

ياقلبى سيبك م الحب سيبك.

Spread the love

كتبت : شاعرة العاميه. نبيلة محمود .

ياقلبى سيبك م الحب سيبك

مش ح تاخد غير نصيبك

كل كلمة تتقال مجاملة …….

يبقى اللى قالها خلاص حبيبك

بحاول يا قلبى اداوى عيبك ….

تفرح وتفضل تفكر ليالى ……

وتقول خلاص الحب جالى …..

وخلاص زمانى ياناس صفالى

وكمان يا قلبى بتستخبى …..

وخايف لعين الحسود تصيبك

مش تتأكد من المحبة ..   ….

اهدى حبة …..و تأنى شوية

استنى الأيام اللى جاية ……..

يمكن يكون فيها قسية ……….

من اللى كنت فاكره حبيبك

تعبت منك ومن طيابتك ….. 

ولا حد شايف من الناس حلاوتك

خايفة لتبكى والدمع غالى

وتشكى حبيب فاكره مثالى ..   

وتقول جرالك ولا جرا لى …..

ولا حد سامعك ولا داري بك

مش كل مرة تعمل م الكلمة أزمة

واللي قالها مش دارى بك …….

يا قلبى سيبك م الحب سيبك

مش ح تاخد غير نصيبك ……

حبيبك بكرة يجى لحدك …….

ويمسح بأيده دمع خدك   …..

حرام يا قلبى نخسر شبابنا

ونحب اللى كان سبب عذابنا …..

تصبر يا قلبى ومسيرك ح تفرح

وتلاقى ليك ف الفرح مطرح ….

ويجيلك اللى ينسيك عذابك …..

ونصيب جميل يدق بابك ……

ومعاه حبيبك  …

حاول يا قلبى تداوى عيبك

قبل ما سهم الزمن يصيبك

  •  
    242
    Shares
  • 242
  •  
  •  
  •   
  •   
  •   
  •   
  •  

عن admin

اضف رد

لن يتم نشر البريد الإلكتروني .