فيلم (دعاء الكروان). – http://www.kolalnaseg.com
الرئيسية / أخر الأخبار / فيلم (دعاء الكروان).

فيلم (دعاء الكروان).

Spread the love

فيلم (دعاء الكروان)

الفيلم ده تم تصويره في مركز ملوي وبالتحديد في قريه تونه الجبل من الافلام اللي كانت الكادرات فيه بتتكلم .. يعني مثلا المشهد ده يبان بسيط جدا لكنه يعتبر واحد من ابدعات بركات في فيلم (دعاء الكروان) واللي كانت كادراته الرائعة سبب من اسباب نجاح الفيلم وجعله حالة جميلة ومنفردة … واللي كانت دايما مؤثرة وبتوصل لنا رسايل ليها معني …

يعني مثلا فالكادر ده آمنة واقفة في النص والمهندس والمأمور محاصرينها ورغم أنهم كانوا فى مقدمة الكادر لكن أنظارنا متجهة ناحية آمنة بسبب انها واقفة وشها لينا عكس المهندس والمأمور اللي كانو قاعدين وضهرهم لينا بجانب الإضاءة العالية المركزة على وشها عشان فالاخر نشوف بوضوح نظرة آمنة اللي بتكتسح الكادر كله بالكامل عشان يوصل لنا مدي غرابة الموقف لما آمنة بتلاقي نفسها وجها لوجه قدام المهندس اللى هي اصلا جاية البلد عشان تنتـ ـقم منه ومن قبل ما توصل له هو جه لحد عندها برجليه عن طريق الصدفة … نظرتها نظرة دهشة ممزوجة بـغـ ـل وغـ ـضب مدفـ ـون جواها .. ملاك الإنتـ ـقام اللي اتجمدت من المفاجأة وحاولت تسيطر على بركـ ـان الغـ ـضب اللي جواها

المخرج بركات بيوهمك طوال الوقت أنه بسيط جدا في اعماله لدرجة انك ممكن تحس لوهلة انه مفيش مخرج اصلا و ده اكبر دليل على وجود مخرج حقيقى وكبير كمان .

بالمناسبة الفنانة فاتن حمامة لما راحت لمقابلة دكتور طه حسين قبل بداية التصوير مكنتش المقابلة زي ما تمنتها وخرجت من عنده مضيقة لما سألها (انتي تقدري تفهمي دور امنة كويس ؟) ولكن لما زار عميد الادب العربي كواليس تصوير الفيلم بالاستراحة الخاصة بيه في قرية تونة الجبل مركز ملوي وحس وسمع أداء فاتن ابدي اعجابه بأدائها وقالها (ان خيالي وانا اكتب صورة امنة فالقصة هو بالظبط الذي انتي قمت به)

فاتن حمامة-احمد مظهر-حسين عسر- فيلم دعاء الكروان 1959

 
242
Shares
242   
 
 
  

عن user 22