أسرة جريدة كل الناس نيوز والأصدقاء والاحباب تتمنى الشفاء العاجل لمحمد عبدلله العزونى

أسرة جريدة كل الناس نيوز تتضامن مع محمد عبدالله العزونى فى محنته وتدعو له بالشفاء العاجل و نسأل الله أن يخفف عنه الألم والمعاناة ويمده بالقوة والصبر.

رسالة مؤثره من اخو الاستاذ محمد عبدالله العزونى ونصها كما يلى :

سلام عليكم ورحمة الله وبركاتة

انا اخو محمد

دي رسالة محمد ليكم

بشكركم جدا علي تفاعلكم الطيب ودعائكم ليا. بفضل الله قدرنا نجمع المبلغ كامل وتم مسح جميع حسابات التحويل وياريت اي حد نشر البوست في اي مكان يعدله لو سمحتم. في حالات تانيه اكيد بتاعني نفس المعاناه بتاعتي اولي بدعمكم. ومن فضلكم متصدقوش اي بوست ينزل من اي صفحة او من اي حد غير من عندي هنا.

انا لسه محجوز بالعناية المركزة بالمركز الطبي العالمي لو اي حد حابب يشرفني بزيارته، كل اللي محتاجه منكم دلوقتي دعواتكم ان ربنا يخرجني من المحنة دي علي خير. وربنا يقدركم جميعا علي فعل الخير.

الي يعرفني هيعرف قد ايه بوست زي ده تقيل جدا علي قلبي اني ارفعه خصوصا ان هيشوفه اهلي وصحابي وكل الناس الي تعرفني

بس انا بقالي سنتين بتعالج من الكانسر ووصلت كذا مرة للشفاء بس يحصل إنتكاسة والحمدالله راضي بس آخر برة المرض تحور وبقي اوكيميا او سرطان في الدم ليمفاوي حاد T-All خلايا تائية وده للاسف شرس جدا ونادر ولتكلفة بقت ازيد عليا بسبب انه بيحتاج رعاية في المستشفى لفترات طويلة لان جسمي يينتج دم فاسد بس كانت بتدبر وبلاقي حاجات ابيعها

وعملت عملية زراعة نخاع ب٤٥٠ الف غيرر اننا صرفنا تجهيزات وجلسات قبلها ب ١٥٠ الف يعني وقفت ب ٦٠٠ لوحدها وفشلت وخدت بعدها ٣ جلسات كيماوي من جلسة كانت الحقنة الوحدة ب ٨٠ الف خدت ٥ حقن الواحدة ب٢٥ الف + حساب المستشفى العلاج وصل ٣٠٠ الف ومحصلش إسجابة للأسف الحمدلله

ومفروض اخر حل قدامنا دواء من الهند وربنا قدرنا وعرفنا نلاقي حد نستورده منه وندبر سعره بفضل الله يغرها لوحده ٣٥٠ الف

بس لما جينا نبدأ العلاج ظهر فطريات في الرئة ووقفنا الجلسة ولازم نعالجها لاني حتي مش قادر اتنفس طبيعي والادوية في اليوم الواحد من الصيدلية بس سعرها ٢٥ الف غير اني كل يوم بنقل الصفايح والدم لان المرض بيكسرهم واليوم بقي بيعدي ال٦٠ الف جنيه ومبقاش في حاجه تانية نبيعها
وانا كنت ببيع كل حاجه علشان موصلش اني ارفع البوست ده بس خلاص مفي حاجه تتباع تاني وكام يوم ومش هعرف اكمل علاج.