الدنيا أرزاق.
شاعرة العاميه. نبيلة محمود .
الدنيا أرزاق.
الدنيا أرزاق قسمها الخلاق
وكل واحد وله نصيبه ….
والكلام الحلو ترياق لكن
حرص من الحبيب والاعيبه
يارب يا رزاق يا مقسم الأرزاق
جمع الحبيب مع حبيبه
ولكل واحد نصيب بيقرب له ويجيبه
م تقولش ع الحب مستحيل ….
الحب إحساس جميل ……..
والحب مش بالمال ولا بالجمال
الحب موال يغنيه القلب لحبيبه
هدية من القدر للبشر ……
وسهم للقلب يصيبه ………
ويحلى السهر وكلام السمر . . …
والنوم يجافى العيون …..
وساعات تملا الفكر الظنون …..
م اللى جاى واللى راح يكون
ودى ضريبة الحب وعيبة ……..
والحب مع النصيب أحلى قسمة
وليه نتعجب من القسمة …..
والحب من غير نصيب
بيخلى الدنيا عتمه …
ومين يقدر يغير القسمة
فى الحب حاول تختار قبل ما تسهر وتحتار
لكن للحب اسرار وسحر جبار
والغريبة م فيهوش اختيار
والقلب يطب ف لحظة انبهار
ولما يفوق يفهم الأسرار …..
اللى خباها الحبيب ب ألاعيبه
وكله بياخد نصيبه
يا فرح يا انكسار يا جرح يعيش
ف القلب ولا يسيبه .. ….
والدنيا أرزاق قسمها الخلاق
وكل واحد وله نصيبه
والكلام الحلو ترياق لكن
حرص من الحبيب والاعيبه
