لو انت مش قدها ما تقربش منها.
كتبت : سلمي المشد.
لو انت مش قدها ما تقربش منها.
ماتخافش غير من الست اللي اتعودت تشيل المسؤولية:
هتلاقي طلباتها قليلة عشان هي ماتعودتش تطلب
بس لو طلبت واتخذلت يبقى انسى
انها تطلب أي شيء تاني
بيبان لك و للناس انها قوية… بس في الحقيقة هي طفلة من جواها
مش هاتستنى حد يعملها حاجة عشان هي متعودة تعمل كله بنفسها لنفسها ولغيرها كمان..
مش بتندمج غير مع اللي واخدة عليهم بس….و الباقي تكفيها المجاملات البسيطة …
هاتتصرف من دماغها ….. وهاتتحمل النتيجة عشان هي متعودة تختار قراراتها دايمُا وبتتحمل نتائجها بمنتهى الشجاعة..
حواليها دايرة صغيرة من الناس بتختارهم بعد وقت طويل جدااا…
ما عندهاش قدرة للجدال الطويل والنقاش الكتير وما عندهاش رفاهية الوقت للعتاب والمناهده…
هتلاقيها واقعية……. يا أبيض يا أسود ومعندهاش رمادي وتقف في وشك وتقول للأعور انت اعور ومحتاج تتعالج
او هتسيبك و هتمشي بلا عتاب
بتستحمل وصبورة أوي بس عند لحظة معينة بتنفجر وساعتها ما بتحسبهاش خااااالص
لو احتجت منها أي حاجة في أي وقت هتلاقيها موجودة وجنبك ،عشان هي تركيبتها البشرية جدعة ومتقدرش ما تخدمش لو في ايديها
يوم ما بتدخل في علاقة حب أو صداقة بتبقى أم وأخت وصاحبة جدعة جدااا بس أما بتقرر تمشي بتمشي
وعمرها ما بترجع في قرارها عشان بتكون حسبتها جدااا وجابت أخر طاقتها في كل شيء…. لو انت مش قدها ما تقربش منها.
