قصة كفاحي مع مشابك الغسيل .. – http://www.kolalnaseg.com
أخبار عاجلة
الرئيسية / أخر الأخبار / قصة كفاحي مع مشابك الغسيل ..

قصة كفاحي مع مشابك الغسيل ..

Spread the love
 كتبت : الكاتبة الساخرة سارة احمد

received_10156511978600117عقدة كل ست … مشابك الغسيل … قصة كفاح … ازاي تحافظ عليهم … مايقعش واحد مع كل نشير .. او كل لمة غسيل …….

علاقة مرات البواب بالمشابك …. علاقة حميميه … اصلها عمرها ما احتاجت تشتري لأنه حتى لو وقع منها المشبك … كل اللي عليها توطي تجيبه …. دا غير اللي بتلمه من كل ستات العمارة  …  الغريب ان مرات البواب فاهمة ان كل حاجة بتقع مهمة الا المشابك …. بالرغم من ان المشبك لا يقل أهمية عن الغسيل …. ساعات الست تلاقيها “محتاسه”  فوق بتدور على مشبك واحد ينقذها …  وهي تحت متبغددة بمشابكنا …. انا مش بحسد انا بحقد

المشكلة ان اخر حاجة الستات تفكر تشتريها من لوازم البيت  هي “المشابك” … ومع كل نشييره … تقول لنفسها “يوووووه انا عاوزه اشتري مشابك … ”

ولا حياة لمن تنادي ….. لغاية اللحظة الفاصلة …..وهي باقي اقل مشابك ممكنه  على الحبل مع قطع كثيره  من الغسيل…… منها الكبير الثقيل … وفي الصغير الرفيع  … فتبدأ الكارثة … لبس دا في دا …… ثلاث قطع بمشبك او مشبكين … وساعات … تضطر وضع الغسيل من غير مشابك وحرصا منها على انه مايقعش … تنشره على اول حبل من جوه … اعتقادا منها انه  مش ها يقع …..

وأخيرا قررت تشتري مشابك …   بحبحت اديها واشترت بالزوفه …. علشان تتلاشى فكرة انه ما فيش مشابك …. وتجيب اشي ملون على خشب وبلاستيك … تفرح نفسها … وعند اول نشير بعد شراء المشابك الجديدة … تلاقي الفرحة تنط .. ويتولد لديها حب الانتقام والافترى … تنشر كل قطعه بمشبكين وساعات ثلاثه… حتى ولو شراب … ما هي اشترت بقى …. ويحدث ما يحدث كل مرة … وهي بتنشر توقع … وهي بتلم توقع … والمشابك ترجع تكش … ونرجع ثاني لنفس المشكلة …. واضح ان هذه المشكلة ازليه ولن تنتهي…….

ونصيحة بعد خبرة طويلة … وانتي بتشتري المشابك راعي الاتي …  … الاحجام والاشكال … فالمشابك العريضة الكبيرة … انشري بها القطع الطخينة الثقيلة … والخشب قللي منها لأنها بتعلم في الهدوم  وخصوصا  الأبيض ….والبلاستيك اشتري الجامد منه مش الرقيق  … لان الرقيق بيكسر بسرعة …

نصيحة كمان … تقلل الهدر…… بلاش الحركات البهلاوانيه .. ماسكة واحد ببقك … وثلاثة في ايد …. ومشبكه حبه في هدومك … ايه المنظر دا والنبي ….

وفي ناس حلوين … ها يقولوا .. انشروا على منشر داخلي … المشكلة ان  حتى لو نشرتي حاجات على الداخلي .. ستضطرك الظروف انك تنشري خارجي ….. هنا حلاوة انك توقعي المشابك ها تزيد.. لان في سرعه في الأداء تؤدي الي سرسبة المشابك اسرع …

الاسطوره بتقول .. اول ما تنشري … لازم توقعي ….

فرطي  في مشابكك … ها تشهيصي بوابتك !!!!

 
242
Shares
242   
 
 
  

عن admin