(بوز جزمتك يدل على) …. – http://www.kolalnaseg.com
أخبار عاجلة
الرئيسية / أخر الأخبار / (بوز جزمتك يدل على) ….

(بوز جزمتك يدل على) ….

Spread the love
كتبت : الكاتبة الساخرة سارة احمد

received_10156511966890117

الستات الجميلة الأنيقة  … جزمتها … سر أنوثتها وساعات كثيره تصبح سر تعاستها … مش تريقه ولا انا مزوداها …لكن جزمتك شيء مهم جدا…. راحت جسدك تبدأ من راحة رجلك..يا فالحة … واناقتك تبدأ من بوز الجزمه والكعب الرفيع العالي …

أوعي تفتكري ان الاهتمام بالإكسسوار واللبس والطرحه والشنطة … ها يداري على الجزمه …. ابدا …!!!!!!!!!

الجزمه ماشيه معاكي لازئه في رجلك ما بتسبكيش … الكعب بيبان لو مقشر … والجلدة لو وقعت … الصوت بيفرق….الطرقعة بتتسمع ….

الذهب تعرفي تداريه وتجيبي الصيني … الطرح … تنزلي  وتتصرفي اشي الوان .. و انواع اقمشه علشان تغيري براحتك … اللبس تظبطيه … الشنطة تهتمي انك تغيري لونها خصوصا لما اصبح الهاي كوبي مالي البلد … بالرغم من ان الشنطة ممكن تسبيها على المكتب … او وانتي خارجة جانبك على الكورسي… الشنطة استهلكها غير الجزمه … العمر الافتراضي للشنط اطول من الجزم … لذلك لابد انك تهتمي بالجزم اكثر …. الجزمه يا مدام ماشيه معاكي …. تيجي عليها بقى ومخك يهنج  ……

وليس معنى كلامي انك تنزلي تجيبي اغلى جزمه في السوق … ولكن اهتمي انك تغيريها لو قشرت … او جيرت …

زي ما في تظبيطات لكل حاجة في تظبيطات للجزم … واماكن تقدري تريحي بيها رجلك وتسري نظرنا

نيجي بقى لسياسة التوافق … كل فصل له استايل جزم …لكل مقام مقال …

للتذكره فقط والتأكيد ….الشتا ….  جزمه  … مقفوله … بوت … تلخبطي وتنزلي بصندل مفتوح … هنا بقى تبوظي سياسة التوافق…. وتبوظي الشياكة

الصيف جزمه مهويه ومفتحة ….الوان مزهزه… افرجيها على نفسك …ولكن افتكري ان رجلك بتبان وكعب رجلك الناس شيفاه … قبل ما تحطي رجلك في الصندل يا ريت تغسليها … وبالحجرة تفركيها …

 الكعب  سوادة وتجيرته بتبان…. خصوصا لما تكوني لابسه الوان مزهزه في رجلك… التناقض بيعلى اكثر واكثر…..

نيجي بقى لاختيارك لشكل الجزم او الصنادل …. مش شرط تواكبي الموضه وخلاص ولكن اختيار الجزمه لابد ان يكون موائم للرجل واللبس….  ودي حاجة مهمة جدا … يعني الشبشب البرطوشه الدبابه… ما ينفعش على جنله شانيل …..  الجزمه الكوتشي ما تنفعش على بانطلون كلاسيك …. الشبشب بصباع ….. انا عارفة انه سهل وجميل … ولكن مش على كل شئ….

نصل الى محطة  الاعتناء بالرجلين … حاجة مهمة دا …. مش هاقول كريمات غاليه .. بس الفازلين فل … والصابون … الحجر والليفه … انتي بس زي ما بتفتكري تغسلي ايدك … خدي رجلك بالمره …. “ملحوظه” كريم دم الغزال مش معمول انك تنقعي رجلك فيها بالشهور… لحسه من قعر الطبق تكفي … الغرض هو ان لون الكعب يصبح مورد … لكن البوهيه الحمرا دي … لا تسر الناظرين …..

كلامي جارح … وجعك …. ولكن كله لمصلحتك….

رجلك وجزمتك …. سر اناقتك …

 
242
Shares
242   
 
 
  

عن admin