الرئيسية / اطفالنا / لو عندك اطفال … ممكن تعمل زي رامز

لو عندك اطفال … ممكن تعمل زي رامز

Spread the love
كتبت : عبير مكاوي

ياريت أي حد عنده اطفال يقرأ الكلمتين دول بعد اذنكم… في ولد شاف امبارح برنامج رامز الجديد و بعدها بساعة دخل المطبخ يجيب الكبريت و كان عايز يولع في اخته و اللعب زي ما شاف في البرنامج و مامته لحقته و هو بيحاول يولع في عود الكبريت.. و لما قالتله انت اتجننت عايز تولع في اختك، قالها انا بعمل زي رامز!!!! الولد استغرب ان مامته اتعصبت هي و باباه و زعقوله مع انهم كانوا بيضحكوا علي حلقة رامز امبارح!!! ليه رامز حلو و يضحك و هو وحش و اتعاقب!؟؟

ياريت لو مصممين تشوفوا البرنامج، تخلوا الاطفال ما تشوفهوش عشان المصايب بتحصل في ثواني و ربنا يحفظ ولادنا!!!! البرامج اللي زي دي بتطلع اطفال ” سادية ” بتتلذذ بانها تشوف غيرها مقهور او بيعيط او خايف.. بتطلعهم فاكرين انك لما ترعب الناس هتطلع في التلفزيون و الناس هتحبك… الموضوع اكبر من انه برنامج رمضاني، ده بيشوه افكار و تربية و عقول لأجيال لسه بتتعلم و بتكون شخصيتها…

و المفروض لا كبار و لا صغيرين يشوفوه لان ترويع الناس شئ غير آدمي و نهت عنه كل الاديان!! البرنامج ده واخد اعلي نسبة مشاهدة و اعلي نسبة اعلانات و ده دليل النجاح بالنسبالهم، يعني حتي لو بتتفرج بأرف فا انت عاملهم كل النجاح اللي هما عايزينه..

زمان الكاميرا الخفية كان مفيهاش أذية و كانت الناس بتضحك من قلبها دلوقتي بقي كلها تمثيل و شتايم و مرمطة للضيوف اللي قابضين من قبل ما يروحوا المقلب و ما بينوب المتفرج الا انه شاف محتوي دون المستوي و ان ولاده اتعلموا الازدواجية !!

#قاطعوا_رامز_جلال

  •  
    242
    Shares
  • 242
  •  
  •  
  •   
  •   
  •   
  •   
  •  

عن admin

اضف رد

لن يتم نشر البريد الإلكتروني .