هو فين الحب الحقيقي. – http://www.kolalnaseg.com
أخبار عاجلة
الرئيسية / فضفضة / هو فين الحب الحقيقي.

هو فين الحب الحقيقي.

Spread the love
بقلم :هانيا شريف

هو فين الحب الحقيقي.

كنت دايما اقعد ساعات طويلة لوحدي وأقول هو مين كان ساعدني ألاقي صدي صوت يقول لي ما فيش ، اسرح بخيالي وأقول طب هو فين الحب الحقيقي اللي بلا غرض او مصلحة نفس الهاتف يرد عليا ويقول لي ما فيش ، طب فين الأصدقاء المخلصين اللي كانوا لايمكن يعدي يوم من غير ما يسألوا، ما فيش ، طب الأهل والعزوة واللمة ما فيش كل واحد في ملكوت وقافل علي نفسه و كمشان علي عيلته الصغيرة والمسائل انتهت عند هذا الحد، طب فين طعم الحياة ما فيش وان وجد لها طعم بيبقي مر حنظل فوق مقدرة تحمل اي بشر ..ده مش اكتئاب ولا حزن ولا قنوط ، ده شئ يصعب وصفه لانه بيستنفذ كل الطاقات الإيجابية ويحل محلها السلبية ونفاذ الصبر وعدم الثقة في اي شئ و النظرة التشاؤمية لان كل شئ بيزداد سوءا يوم بعد يوم ولا سبيل للإصلاح .. اللي بيضحكوا وعاملين نفسهم فرفوشين دول اكثر الناس تألما ولكن كرامتهم تأبي وتنهي علي ان يظهروا بمظهر الضعفاء وكأنهم منهزمين منهكين مصدومين منبطحين أرضا من الأنين و من الضربات المتلاحقة بلا رحمة ولا هوادة زي ما يكون تار بايت ويجب الأخذ بالثأر والقضاء والإجهاز علي تلك النفس الطيبة التي احبت واعطت و عانت وضحت دون انتظار اي مقابل ولم تجد سوي الجحود والنكران والقتل البطيء المتعمد مع سبق الإصرار والترصد، في الحياة الدنيا قضائيا دي عقوبتها الإعدام ولكن ربنا سبحانه وتعالي له حسابات تانية وأحكامه نافذة ويمهل ولا يهمل واليه ترجع الامور ، وتبارك الذي بيده الملك وهو علي كل شئ قدير

 

 

 
242
Shares
242   
 
 
  

عن admin