مستني حاجه. – http://www.kolalnaseg.com
أخبار عاجلة

مستني حاجه.

Spread the love

كتبت : نيفين جورج .

مستني حاجه.

في مرحله كده بتكون مش مفهومه نهائيا في حياة كل حد فينا ..هي مرحله اللي مستني !!

يا مستني حاجه .. يا مستني خير وعوض من ربنا ..

يا مستني رزق .. يا مستني المرحله دي تمشي وتنتهي ..

يا مستني مرحله تيجي احسن .. قاعد مستني بس ..

اللي بتنام عليه بتقوم عليه .. لا انت بتشارك ف احداث ولا

عاوز تدخل ف نقاش ولا عاوز تعمل اي حاجه

غير انك مستنى .. بتكون عاوز تاخد خطوه بس مستنى اشاره .. عاوز تعاتب بس مستني اللي قدامك يفهم ويقدر ..

عاوز تطلع من المرحله دي بس ف نفس الوقت مستني

حاجه تيجي و تشيل التعب اللي جواك الاول .. لو حد سألني انتي مستنيه ايه دلوقتي !! حرفيا مش هعرف ارد .. اللي هوا حاسه فعلا اني مستنيه حاجه تيجي و  تقلب حياتي وتغيرها للاحسن .. بس مش عارفه هتيجي ازاي وامتا ..  ف دايما خليك مستعد ان هيجيلك وقت هتحصلك حاجات في حياتك مش مفهومه خالص ناس هتسيبك وهتخذلك وهتقل ب اصلها معاك من غير اسباب .. شغل هيتعطل .. احلامك هتتأجل .. ابواب هتتقفل ف وشك فجأه هتحس ان حياتك بتتلخبط وكل حاجه نفسك فيها بتروح ف اوعي تيأس خالص وخلي يقينك ف ربنا كبير

بس اقولك سر !!

يا بختك.. يا بختك لأنك هتشوف العجب في حياتك

المشكله اللي لقيت نفسك فيها ربنا هيكون معاك وجنبك

فيها !!

عارف البحر اللي نزلت فيه هيتشق وتشوف فرعون قصادك بيغرق بمركباته وجنوده !!

الحوت اللي بلعك هيعلمك ترفع ايديك وتصرخ لربنا

كل حاجه بتحصل ف حياتك مقصوده كل اللخبطه اللي انت عايشها دلوقتى نهايتها فرحه وخير و عوض اكبر مما تتخيل

اصبر واطمن ..ربنا هيفاجئك قريب جدا هو عارف كويس هتفرح ب ايه

غمض عينك .. وقول  يا رب

واصبر لان الصبر جميل

 
242
Shares
242   
 
 
  

عن admin