كل الناس نيوز … و الملل. – http://www.kolalnaseg.com
الرئيسية / أخر الأخبار / كل الناس نيوز … و الملل.

كل الناس نيوز … و الملل.

Spread the love

كتب : محمود احمد .

كل الناس نيوز … و الملل.

هي مش عارفه انها غلطانه .. و انت مش هتعرف تقنعها انها ” اتغيرت ” لأنها ببساطه اتغيرت من غير ما تاخد بالها . انت نفسك اتغيرت و ما اخدتش بالك .. خلينا نقول ان مافيش حاجه اسمها ” ملل ” يعني ما حدش بيزهق من حد بيحبه بالمعني الحرفي للكلمه .

الفكره كلها ان الشغف انتهي ، ماعدش في حاجه جديده ، و كأنك حبست نفسك في فيلم ” الف مبروك ” و عمال تتفرج على شريط حياتك بيتعاد بالتفصيل الممل .. تفصيل ممل اوي .

مافيش حاجه اسمها ملل من الشخص .. يعني انت مش هتزهق منها هي ، ولا هي هتزهق منك انت ، انتوا هتزهقوا من الوضع .

تقريبا نفس الكلام .. محبوسين في حياه بوش واحد ، مافيش براكين نشيطه في العلاقه ، في حاله خمول بتترسب في اللاوعي ، فتحس انك في الاخر ما بتحبش اللى معاك ، او بمعني اصح بطلت تحبه !!

و تلاقي السؤال المخيف بيطرح نفسه في كل قاعده و خروجه و زياره و اى حاجه بتتشاركوا فيها : هو انت لسه بتحبني ؟؟

لو العلاقه معتمده على الصراحه من الاول هتخاف تجاوب و لو بيتخلله الكذب و الادعاء من وقت للتاني .. مش هتعرف تجاوب . انت فعلا مش عارف .

و الحقيقه انكم لسه في حاله حب ، بس مش في حاله حب للحياه نفسها  مش حابب الوضع اللي بقيتوا فيه ، علاقات كتيير بتنتهي بالشكل ده ، و في نوع من العلاقات ما بينتهيش لانها علاقه التزاميه ، مرتبطه بأولاد و مسؤليه و بيت . ” في ناس كتيير بتزهق بس ما بتقدرش تمشي للأسف بتموت و هي زهقانه

تحسوا أن الناس كلها عايشه بتمثل .. في اللي بتمثل أنها مبسوطه و مرتاحه و اللي بيمثل أنه راضي عن شغله و بيته وولاده  و اللي بتمثل أنها بتحب جوزها و أنها اسعد انسانه في الدنيا و اللي بتمثل أنها فل كده من غير جواز ولا تحكمات  وده بيمثل أنه بقي عايش رايق بعد الطلاق و غيره و غيره .. الفكره أنهم عدوا مرحله التمثيل علي بعض و دخلوا في مرحله التمثيل علي نفسهم.

 
242
Shares
242   
 
 
  

عن user