مطلقة جدعة ؟؟

كتب : سمر ذكري.

مطلقة جدعة ؟

عارف يعنى ايه مطلقة جدعة ؟

عارف يعنى ايه ست راحت احلامها مع قرارها للطلاق.

عارف يعنى ايه ست اخدت قرار طلاق و احترمت قرارها و و شالت المسئوليه المادية و الاجتماعية لوحدهاتشتغل صبح و الليل علشان تفضل فى نفس المستوى الاجتماعى و تحافظ على مستوىولادها الاجتماعى من غير ما تمد ايدها لاب او ام او قضايا فى المحاكم على الاب علشان تحافظ على احترام بنتها لبابها لا و كمان تبقى على علاقة جيدة بطلقها لجل عيون ولادها عارف يعنى ايه انها تنسى انها ام و تتحول لاب  اللى لازم يصرف و لازم يتعمل له حساب فى الكلمة طب عارف لما الاهل و الاصحاب يشوفوا انها من غير راجل يعنى هى فاضية و هاتسمع الكلام و القرار اللى هايتاخد حتى فى خروجه عادى انها نقبله لانها ست مالهاش راجل يقول رأى عارف يعنى نفس المطلقة تشيل اب او ام فى مرضه و تتحمل المسئولية و تسال نفسها هو انا مش بنت و من حقى اللى يطبط عليا فى مرضهم و يخبى عليا انه بيروح منى ؟؟؟ و هى اللى تشيل و هى اللى تتوجع و تتحمل ..و تنسى انها ابنة و تاخد دور الابن عارف يعنى ايه تنسى نفسها و تفضل ماشية فى طريق لوحدها وبتحاول تحقق اهدافها و تحافظ على ولادها لوحدها من غير سند و لا ضهرعارف يعنى ايه الولاد تكبر و يبقى لهم حياتهم و تفضل هى لوحدها لا انيس و لا جليس و الوحدة بتلف حياتها و أسى النسين يغطى روحها  و تنسى مع الايام حتى الابتسامة عارف يعنى ايه انها ترجع لنشاطاها و تسعد اللى حوليها و تساعد المحتاج و هى محتاجة اللى يسعدها و اللى يشيلها  علشان تنسى وحدتها و تغرق الامها فى التعب و المجهودقبل ما تلعب بمطلقة و لا انتى تكلمى عليها بلسان الحية و لا انت تحكم عليها  و لا انتى تلتى و تعجنى عليها ….. حاولوا تشيلوا المسئولية زيها و لو قدرت انت يا راجل و لا انتى يا ست تعيشوا اسبوع من حياتها  و لا تشيلوا المسئولية زيها .