كام مرة . – http://www.kolalnaseg.com

كام مرة .

Spread the love

كنب : ابراهيم احمد .

كام مرة .

ب بيأكل بنته هامبورجر وبيحطلها عليه كاتشب وكل شوية تيجي تفتحله بوقها وتعيط يقوم يزعقلها ويقولها بطلي تمثيل البرجر بارد بطلي تمثيل هتاكلي يعني هتاكلي والبنت تعيط والأب يزعق وفِي الآخر تبلعه كده لحد ماالبنت خلصت الاكل .مامتها جت أخدتها ، وراحت البنّت نامت في حضن مامتها وبدأ الأب يشيل الاكل وفتح التلاجة علشان يحط ازازة الكاتشب ،لكن كانت المفاجأة انه سحب الازازة المشطشطة بدل العادية ساعتها أتصدم وقلبه اتقبض وأفتكر انه أكلها من الازازة الغلط والبنت كانت بتعيط وهو مفكرها بتتكلم عن سخونة البرجر ،أتاريها بتتكلم عن شطشطت الكاتشب .

جري يطبطب عليها وهي نايمة ويبوسها ويقولها انا آسف محستش بوجعك علشان مدوقتوش.

كام مرة ألمناغيرنا بأفعالناووجعناهم واستهترنابدموعهم وقولنا بطلوا تمثيل…

كام مرة نيمنا حدمعيط بسببنا..

كام مرة جرحنا غيرنا من غير ما نحس ومن غير ماناخد بالنا..

كام مرة فكرنا ان كلامنا بلسم وهو في الحقيقة ماية نار في قلوب اللي قدامنا…

لو كل واحد داق اللي هيقدمه لغيره من كلمة او فعل قبل مايقدمه كانت الغابة البشرية اتحولت لجنة أرضية لكن للاسف فقدنا . . . . الإحساس ببعض . .

 
242
Shares
242   
 
 
  

عن admin