رساله لكل الناس….كلنا مرضى نفسيين

كتبت : سماح احمد

رساله لكل الناس وانا أولهم زرت صديقه عزيزة عليا وجدتها تحتفظ برسايلى والكروت بتاعت المناسبات اللى كنت ببعتها ليها من كل مكان أسافر فيه قبل الموبايلات ! سرحت و لقيتنى بقول لنفسى ان كلنا مرضى نفسيين بجد بس درجات. والفيس ده بقى المنشر للأفكار والمشاعر والأحاسيس هو للدرجة دي وصلنا للتوحد نسمع كلمات الإطراء والمدح ف الكومنتات وتفتقدها ف حياتنا نكتب ونتكلم ونعلق ونضحك مع أصحابنا واحنا مش بنرفع سماعه التلفون عل بعض بحجة مشغولين ومابنشوفش بعض بالسنين .

ونقعد نتحصر عل كل اللى كنا بنعملو زمان واحنا متوحدين مع الموبايلات والكمبيوتر فاصدرت فرمان أننى ساتواصل مع اصحابى وحبايبى عل الفيس وبلاش الظروف القديمة دي ورجعت مسكت الموبايل وقلت اكتب لكم أخبار خفيفه تعليقاتكم بحبها وايموشاناتكم بتضحكنى ولايكاتكم فاهماها كويس بحبكم كلكم بس بردووو مش حنسى أن الحياه والوقت بيمر زي الفيلم ف السينما الحق وسجل مواقف وأحداث تذكر بدل لما تيجى تتذكر حدث تلاقى نفسك بديتو وعشتو وخلصتو وانت عل الموبايل .تحياتى لكل أم واب ينصح اولادووو بالتواصل وتسجيل وقائع مش فقايع ف الهوا مع أم الموبايل