طاجن مكرونة باللحمة المفرومة

مطبخ سمسم

المكونات :-

كيس مكرونة قلم –  عدد 3 طماطم مبشورة –  لحمة مفرومة معصجة
–  بصلة ابيض مبشورة

الطريقة :

1- نسلق المكرونة نصف سلقة ونضع فى مياه السلق شوية زيت ومعلقة ملح ولا نغسلها

2- نعصج اللحمة المفرومة بالبصل والملح والفلفل الاسود والثوم البودر والحبهان .

3- فى حلة نضع بشر البصلة فى زيت ونتركها حتى تذبل ويصبح لونها ذهبى ثم نضع الطماطم المبشورة  وعليها معلقة صلصة ورشة سكر ونتركها حتى تتسبك نصف تسبيكة .

4- نجيب الصينية وندهنها زيت ونضع شوية من الصلصة على المكرونة وتكون لسة طالعة من السلق حالا ( ملحوظة هامة جدا) ونقلبها .

5- ثم نأخذ جزء من باقى الصلصة ونضعها على اللحمة المفرومة ونقلبهم مع بعض ثم نضعهم على وجه الطاجن .

6- ثم نأخذ باقى الصلصة ونضعها على وش اللحمة ورشة فلفل اسود .

7- نضعها تحت الشواية لمد5 دقائق حتى يحمر وجهها بسيط

ملاحظات هامة :

1-تكون الشواية شغالة من قبلها

2-سلق المكرونة يكون فى نفس وقت اعداد الصوص بحيث تكون المكرونه ساخنه ومش ماسكة في بعضها

بالهنا والشفا