“نجحت رغم الرحيل… إسراء أيقونة الكفاح الصامت”

“مكوناش حابين نتكلم في الموضوع ده، بس حبينا نوصل للناس قد إيه في ناس بتتعب بجد، وبتشقى بجد، وبتحارب علشان توصل لحلمها…

وإسراء كانت واحدة من الناس دي. من الأوائل، من المجتهدين، من اللي بيحطوا كل طاقتهم في العلم والطموح.

ومحبناش نضع صورة لإسراء علشان حزن أهلها ربنا يصبرهم، النهارده ظهرت نتيجتها، وطلعت من أوائل الطالبات فعلًا…
بس للأسف، الحزن سبق الفرح.
إسراء رحلت قبل ما تشوف ثمرة تعبها، قبل ما تعيش لحظة الفرحة اللي استحقتها بجدارة.

درجاتها مش بس أرقام… دي شهادة على كفاح، وعلى إرادة قوية، وعلى مشوار طويل من السهر والتعب والعطاء.
وذكراها هتفضل عايشة جوانا، وجوا كل اللي عرفوها أو سمعوا عن قصتها…
هتفضل عنوان للألم، لكن كمان للفخر، والاحترام، والإلهام.

ربنا يرحمك يا إسراء، ويجعل مثواك الجنة.
إنتِ مش مجرد اسم، إنتِ قصة كفاح هتفضل منورة قلوبنا.
إنتِ مثال حقيقي للبنت المصرية المكافحة، اللي كتبت اسمها بحروف من نور، حتى لو القدر ما اداهاش تعيش اللحظة.”