دكتورة مروة الدالى تقدم نصائح حول كيفية التعامل مع الطفل العنيد

دكتورة مروة الدالى اخصائية فى مجال التنمية البشرية والطفولة تقدم نصائح حول كيفية التعامل مع الاطفال العنيدين وكيفية التعامل معهم.

طفلك العنيد شخصية حديدية

العند هي أكبر مشكلة ممكن تقابل الأم مع طفلها، والطفل العنيد دايما بيحتاج إن الأم والأب يبذلوا مجهود أكبر معاه مقارنة بأي طفل تاني، لإنه دايما بيحتاج توضيح للأمور، وأساليب مختلفة لتوجيهه علشان يعمل حاجة معينة…

لكن خلينا نبص لنص الكوباية المليان، ونقول إن صفة العند في طفلك بيديكي مؤشر قوي على حاجات مهمة في شخصية طفلك، ودي بعض الصفات والأمثلة:
1- قوة الشخصية الطفل العنيد شخصيته بتبقى قوية جدا وصعب تغلبيها، وده هيخليه في المستقبل شخص صاحب كاريزما عالية.
2- شخص إجتماعي : لإنه واثق من نفسه جدًا، وبيقدر يتفاعل مع أي حد قدامه من غير كسوف أو إحراج، وده بيخليه منخرط في جلسات أكبر منه بكتير! و واثق من نفسه ودي من أهم الصفات، لإنها لو نقصت في طفلك ف هيبتدي يعاني من مشاكل كتير جدًا، وعدم ثقة الطفل بنفسه بتخليه في حالة دائمة من الإكتئاب والانطوائية

4- قائد بالفطرة
5- لا يشعر بقلق أو غربة مع الغرباء.
6- إحساسه الدائم بالمسئولية وعنده قيم ومبادئ قوية جدا زي العدل والمساواة.

دي كانت بعض الصفات اللي تخليكي تبصي لطفلك العنيد نظرة مختلفة شوية وتقدري فعلا متحسيش إن الدنيا سوداء أكثر من اللازم..
المقالة المقبلة هنوضح أسباب مشكلة العند الزائد عند طفلك.. ممكن يكتسبه إزاي، وإزاي تتجنبي إنه يبقى عنيد زيادة عن اللزوم..
قوليلنا إيه أكثر موقف حصل فكراه لطفلك العنيد .. وإتصرفتي معاه إزاي؟