بعد اداء ايمن اشرف ..شكرا حلمي طولان .

كتب : ابراهيم احمد حميده .

بعد اداء ايمن اشرف ..شكرا حلمي طولان .

اداء مميز من  ايمن اشرف هو بصراحة طبعا يستحق كل ده بس ليه الناس نسيت تشكر الكابتن حلمي طولان اللي هو السبب الاساسي اصلا انه يكون في المكان ده !! ازاي طب ايه علاقته ؟ هاقول لك ببساطة ان الكابتن حلمي طولان كان مدرب سموحة 2016 و ايمن اشرف كان لاعب لسموحة و بعدين حصل حادث مؤسف للأسف و توفت والدة و شقيقة ايمن اشرف و اللاعب بعد الحادث ده دخل موجة اكتئاب و سافر بلده و قرر يعتزل كرة و كان لسه صغير و لكن كابتن حلمي طولان اصر انه يعيده مرة تانية و يصبره و يقول له دي عادي بتحصل و انت لازم تكمل في الكرة و ترجع احسن من الأول و بالفعل بعد ما رجع لعب سنة لسموحة و بعدين راح الأهلي في 2017 و اثبت نفسه كباك شمال و كمدافع و حصد مع الفريق تلاتة دوري و اتنين سوبر و واحد كاس مصر و دوري ابطال افريقيا و وصل كاس العالم للأندية مع الفريق و أول مباراة اخد رجل المباراة ، يعني كل ده كان ممكن ينتهي من زمان اصلا لولا الكابتن المحترم حلمي طولان شكرا حلمي طولان .