مارسيل كولر في تصريحات خلال المؤتمر الصحفـي:

كتب : محمود هاشم

في البداية كسبنا 3-0 بس كان الأداء وحش اللاعبين كانوا بعيدين عن حالة تركيزهم واتكلمت مع اللاعبين بين الشوطين

🔴 الشوط الاول انتهى باحتساب ركلة جزاء ونشكر الشناوي

🔴 طالبت اللاعبين بين الشوطين بضرورة التركيز ولم يسمعوا الكلام وارتكبوا ركلة آخرى

🔴 سنعمل مع اللاعبين على حل هذه الأزمات ولابد أن يعمل اللاعبين انفسهم على حل ذلك

🔴 بكرة هنعقد مع كل اللاعبين ونتكلم تاني عن أحداث المباراة والأخطاء اللي ظهرت في الماتش وانا غير راضي تماما عن الاداء اليوم ولدي الكثير سأقولو غدا لكل اللاعيبة

🔴 لازم اعمل تدوير بين المهاجمين لاننا بنعمل ضغط عالي والمهاجم بيجري كتير جدا عشان يقدر يضغط

🔴 مستحيل اي مهاجم يلعب خمس مباريات وراء بعض لذلك لازم اعمل تدوير بين المهاجمين

🔴 بيرسي تاو لعب تاني ماتش ليه وخرج مصاب واتمنى ان اصابته لا تطول

🔴 قرعة دوري الابطال؟ سمعت ان المجموعة صعبة لازم اشوف الفرق بنفسي عشان اقدر اقيم الفرق وكل اللي اوعد بيه اننا هنحضر نفسنا بشكل كويس لدوري المجموعات

🔴 وصل لي ان هناك أمور تكتب في الإعلام بشأن رحيل لاعبين من النادي أستغل هذه المنصة لأوضح بأنني لم أطلب رحيل أي لاعب ولم أدلي بأي تصريحات لأي صحفي أو أي شخص ما

🔴 أنا عمري ما قولت ولا عبرت إني بحب لاعب وبكره لاعب أو عايز لاعب أو همشي لاعب الكلام ده تهريج ومفيش حاجه من دي حصلت وياريت تتحروا الكلام

🔴 لو سمحتوا محدش يصدق أي شخص ومفيش أي اخبار بتطلع مني للإعلام سواء لاعبين عايزها أو لاعبين تمشي

🔴 لو كنت أريد خروج أي لاعب للاعارة ساتحدث مع اللاعب اولا ولم يحدث أنني طلبت خروج أي لاعب من الأهلي كما يتردد

🔴 اللاعبين خط أحمر ويوم ما افكر أتكلم مع لاعب هيكون بيني وبينه فقط