ماذا قال الفنان القدير كمال الشناوى للطفلة ليزا بطلة مسلسل هند والدكتور نعمان – http://www.kolalnaseg.com
أخبار عاجلة
الرئيسية / فن / ماذا قال الفنان القدير كمال الشناوى للطفلة ليزا بطلة مسلسل هند والدكتور نعمان

ماذا قال الفنان القدير كمال الشناوى للطفلة ليزا بطلة مسلسل هند والدكتور نعمان

Spread the love

كتب : محمود هاشم

تحدث الفنان القدير كمال الشناوى انا لما جالي السيناريو في الفترة دي كان نفسي اعمل حاجة كوميدي مكنتش عايز الأدوار الجدية القوية دي فلما جالي المسلسل ده قرأته عجبني جدا جدا بس قلتلهم البنت أهم مني لازم تكون بنت على مستوى عالي بحيث ان انا اقدر امثل معاها واعرف اخد وادي معاها اعلمها واربيها واحركها معايا فقالولي هنجيب ، جابولي فوق الـ 10 بنات كل يوم يقولولي تعالى اتفرج ألاقي البنات الصغيرين بنت تحط صباعها في بوقها ، بنت تانية خجولة ، بنت تالتة مبتعرفش تتكلم قلتلهم لأ اعفوني مش هقدر اعمله ، صِعب عليا السيناريو والدور بس مش هينفع لان مش انا بس اللي هبقى في المسلسل ده البنت وانا فلو مكنتش البنت كويسة انا مش هبقى كويس .. بعد ما اعتذرت بحوالي شهر وكنت خلاص نسيت المسلسل لقيتهم بيقولولي تعالى يا سيدي لقينالك حتة بنت تعالى شوفها واحكم بنفسك ، رحت الشركة شفت البنت الصغيرة وقبل ما اتكلم معاها لقيت شكلها كده فيه شقاوة وبتبصلي من تحت لتحت وقاعدة بتحرك عينيها في وشوشنا قلت البنت دي ييجي منها ندهتلها وقلتلها “انت بتمثلي ؟؟” ، قالتلي “لأ” .. قلتلها “طب عارفة انا مين ؟؟” ، بصتلي من فوق لتحت وقالتلي “ليه انت مش عارف نفسك !!” ، ألاه دي دخلتلي قافية ، لمضة .. بعد كده جيبنالها جزء من السيناريو عشان تمثله معايا بصت في الورقة شوية فقلتلها “يلا ابدأي” ، قالتي “لأ انت اللي هتبدأ ، مكتوب ان انت اللي تتكلم الأول” ، لقيت فعلا ان انا اللي المفروض ابدأ ، بدأت أقول الحوار بتاعي من الورقة راحت هي حاطة الورقة بتاعتها فافتكرت ان هي مش عايزة تمثل لقيتها قالت الحوار من غير ورقة كأنها حافظاه .. خدتها في حضنها وبوستها وقلت خلاص امضوا معاها علطول ومضيت انا كمان ، ولولا البنت دي مكنش المسلسل هينجح ولا اصلا كنت هعمله

 
242
Shares
242   
 
 
  

عن user