طلب المغرب بإقامة مباراة ودية بين مصر و المغرب في القاهرة.
بمناسبة إن الاتحاد المصري بيناقش طلب المغرب بإقامة مباراة ودية بين مصر و المغرب في القاهرة حابب أوجه بعض الرسائل للجمهور المصري
المباراة الغاية الأولي منها هو حل اي مشكلات صغيره او مشاحنات بين جمهور الكرة في البلدين ثم إحنا مينفعش نرد السيئه بالسيئه مش أخلاقنا ولا تربيتنا ف ياريت لو حصل محدش يفكر يصفر علي نشيد المغرب خلاص دائما الكبير هو اللي بيسامح لانه عارف مقام نفسه كويس ،
و كمان اكيد في ناس و ناس كثير كمان في المغرب معجبهاش اللي حصل ده من شباب صغير في السن مش فاهم حاجه .
ضيف علي كده إن احنا لاعيبتنا مش واخده علي اجواء الشغب في المدرجات يعني مثلا شوفنا في مباراة الأهلي و الجيش الملكي لما جمهور الاهلي حاول يرد علي الشغب اللي عمله جمهور الجيش الملكي في المغرب كان النتيجة توتر لاعيبة الاهلي و انتهاء المباراة بالتعادل برغم فارق المستوي الكبير بين الفرقتين .
اتمني لو الاتحاد المصري وافق تكون المباراة في إطار اخوي و محترم كعهدنا بالجمهور المصري و فرصة قوية و احتكاك قوي لينا قبل خوض تصفيات كأس الأمم الأفريقية و اللي هنبدء فيه بمواجهة أنجولا .
